Qeveria federale kanadeze në njoftimin e fundit ka bërë me dije se kanadezët dhe banorët e përhershëm të saj të vaksinuar plotësisht, dhe që pritet të hyjnë në Kanada nga vende të tjera, së shpejti mund të mos u kërkohet qëndrimi i detyruar në një hotel për tre ditë të periudhës së tyre të karantinës, madje as karantina dyjavore në shtëpitë e tyre, që është në fuqi ende. Ministri i Shëndetësisë Patty Hajdu tha se qeveria shpreson të lehtësojë disa kufizime në faza, duke lënë të kuptphet se gjithçka nis në fillim të korrikut. Lehtësimi i kufizimeve do të zbatohet për çdo qytetar kanadez ose banor të përhershëm që ka marrë dy doza të cilësdo vaksinë COVID-19, tha ai.
Edhe kryeministri Justin Trudeau ka reaguar duke theksuar se i kupton të gjithë kanadezët të etur për të udhëtuar përsëri, por duhet durim derisa më shumë qytetarë të marrin një dozë të dytë të vaksinës. “Wshtë shumë e qartë se edhe pse një dozë na ka lejuar të mbrojmë në mënyrë të konsiderueshme qytetarët tanë, për të hequr shumë nga presionet nga sistemet tona të shëndetit publik, është ende një mbrojtje jo e plotë. Ne kemi nevojë që njerëzit të marrin dy doza të plota të vaksinave të tyre dhe kjo është arsyeja për të ardhur deri tek lehtësimet e arsyeshme” citon kryeministrin gazeta kombëtare “The Globe and Mail”.
Kufizimet jothelbësore ndërkombëtare të udhëtimit dhe periudhat e detyrueshme të izolimit 14-ditor për udhëtarët në kthyerje, kanë hyrë në fuqi nga 22 shkurti, kur qeveria filloi të kërkojë nga të gjithë udhëtarët ajrorë që kthehen nga udhëtimet jo-thelbësore jashtë vendit për t’u izoluar në hotele të mandatuara për rreth 72 orë ndërsa ata presin rezultatet e testeve PCR për COVID -19. Njerëzit që arrijnë në kufijtë tokësorë u kërkohet të marrin testet COVID-19 kur të hyjnë në vend dhe përsëri gjatë periudhës së izolimit 14-ditor.
Partia Konservatore, si parti kryesore opozitare, e cila që nga fillimi ka qenë kundër këtyre masave qeveritare, ka reaguar ndaj planit të hapjes së ngadalshme që po bën Kanadaja duke akuzuar qeverinë për paraqitjen e një plani të përgjysmuar për heqjen e kufizimeve kufitare që nuk u jep kanadezëve asnjë qartësi për rrugët në vazhdim.
Karantina e detyrueshme në hotele u vendos në shkurt të këtij viti, si një elemten i rëndësishëm për të dekurajuar udhëtimet jothelbësore ndërkombëtare, e që në fakt ka paralizuar pothuajse në tërësi fluturimet nga Kanadaja në vende të tjera. Ndonëse e kritikuar edhe nga qytetarët, vendimi kishte edhe segmente të tilla si kjo që udhëtarët do të duhet të paguanin faturën deri në 2,000 dollarë për qëndrimin e tyre rreth 72 orë, deri në daljen e rezultateve të testit të tyre PCR.
Menjëherë pas paralajmërimeve qeveritare, kanë nisur kërkesat e qytetarëve për të bërë rezervimet e mundshme për fluturim, ku vërehet një dëshirë e madhe e njerëzve të komuniteteve të ndryshme për t’i vizituar vendet e tyre të lindjes, përfshirë edhe një numër të madh nga komuniteti shqiptar…
Kjo lëvizje vie në kohën kur numri i të infektuarve me COVID-19 në Kanada po bie, dhe kur një pjesë e kranihave tashmë kanë filluar rihapjen graduale. Sipas statistikës në në nivelin federal, në Kanada deri më tani janë konfirmuar rreth 1, 396,793 raste me virus, kanë vdekur mbi 25, 843 persona dhe janë shëruar 1, 350,578 prej tyre.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
