Diaspora humbet interesin për regjistrim në censusin e Maqedonisë së Veriut

E martë, 22 Qershor, 2021
E martë, 22 Qershor, 2021

Diaspora humbet interesin për regjistrim në censusin e Maqedonisë së Veriut

Enti Shtetëror për Statistika në Maqedoninë e Veriut, pas nisjes së procesit të regjistrit në censusin e RMV gjatë muajit mars numëronte mijëra shqiptarë të Diasporës që regjistroheshin në ditë, ndërsa sot në një ditë numërohen vetëm 10 regjistrime.

Kështu është shprehur për TV21 zëvendësdrejtori i Entit për Statistika, Ilmi Selami.

“Është e natyrshme se filloi si sprint dhe tani u shndërrua procesi në një maratonë. Gjatë muajve të verës ne kemi pritur se do të bie intensiteti dhe tani kemi vetëm 10 regjistrime në ditë. Kemi pasur ditë kur kemi pasur edhe më pak”, tha Ilmi Selami – zëvendësdrejtor i Entit për Statistikë.

Deri më tani në Diasporë janë regjistruar 190.177 njerëz dhe shtetasit që jetojnë në Zvicër vazhdojnë të mbetën më të interesuarit për vetëregjistrim.

“Evropa vazhdon të jetë kampione në regjistrim, ndërsa në Evropë, Zvicra si shtet paraprin para gjitha shteteve tjera, edhe para Gjermanisë, Italisë, Austrisë e kështu me radhë”, shtoi Selami.

Regjistrimi i popullsisë dhe zgjedhjet lokale do të zhvillohen në një periudhë shumë të afërt kohore, ndërsa kjo do të shfrytëzohet shumë nga partitë politike tha Selami.

“Meqë jemi në prag edhe të zgjedhjeve lokale dhe paralelisht me këtë shumë pak para duhet të mbarojë edhe procesi i regjistrimit, unë pres që goxha të politizohet tema e regjistrimit dhe kjo nuk do t’i bëje mirë shëndetit të procesit të regjistrimit”, u shpreh zëvendësdrejtori i Entit për Statistikë, Ilmi Selami.

Politikanët do të bëjnë punën e vet, por edhe në tonën, theksoi Selami, duke apeluar edhe njëherë për regjistrim.

“Unë do të kisha shfrytëzuar rastin të bëj apel që mërgimtarët të mos presin ditën e fundit. Ta shfrytëzojnë rastin sa më parë të regjistrohen, madje që sot dhe me këtë kanë dhënë një kontribut të rëndësishëm qytetarë kombëtarë”, potencoi Ilmi Selami – zëvendësdrejtor i Entit për Statistikë.

Procesi i regjistrimit të Diasporës do të vazhdoje deri më 30 shtator.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë. 

Enti Shtetëror për Statistika në Maqedoninë e Veriut, pas nisjes së procesit të regjistrit në censusin e RMV gjatë muajit mars numëronte mijëra shqiptarë të Diasporës që regjistroheshin në ditë, ndërsa sot në një ditë numërohen vetëm 10 regjistrime.

Kështu është shprehur për TV21 zëvendësdrejtori i Entit për Statistika, Ilmi Selami.

“Është e natyrshme se filloi si sprint dhe tani u shndërrua procesi në një maratonë. Gjatë muajve të verës ne kemi pritur se do të bie intensiteti dhe tani kemi vetëm 10 regjistrime në ditë. Kemi pasur ditë kur kemi pasur edhe më pak”, tha Ilmi Selami – zëvendësdrejtor i Entit për Statistikë.

Deri më tani në Diasporë janë regjistruar 190.177 njerëz dhe shtetasit që jetojnë në Zvicër vazhdojnë të mbetën më të interesuarit për vetëregjistrim.

“Evropa vazhdon të jetë kampione në regjistrim, ndërsa në Evropë, Zvicra si shtet paraprin para gjitha shteteve tjera, edhe para Gjermanisë, Italisë, Austrisë e kështu me radhë”, shtoi Selami.

Regjistrimi i popullsisë dhe zgjedhjet lokale do të zhvillohen në një periudhë shumë të afërt kohore, ndërsa kjo do të shfrytëzohet shumë nga partitë politike tha Selami.

“Meqë jemi në prag edhe të zgjedhjeve lokale dhe paralelisht me këtë shumë pak para duhet të mbarojë edhe procesi i regjistrimit, unë pres që goxha të politizohet tema e regjistrimit dhe kjo nuk do t’i bëje mirë shëndetit të procesit të regjistrimit”, u shpreh zëvendësdrejtori i Entit për Statistikë, Ilmi Selami.

Politikanët do të bëjnë punën e vet, por edhe në tonën, theksoi Selami, duke apeluar edhe njëherë për regjistrim.

“Unë do të kisha shfrytëzuar rastin të bëj apel që mërgimtarët të mos presin ditën e fundit. Ta shfrytëzojnë rastin sa më parë të regjistrohen, madje që sot dhe me këtë kanë dhënë një kontribut të rëndësishëm qytetarë kombëtarë”, potencoi Ilmi Selami – zëvendësdrejtor i Entit për Statistikë.

Procesi i regjistrimit të Diasporës do të vazhdoje deri më 30 shtator.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.