Komiteti Teknik i Ekspertëve ka vendosur të hiqet maska në ambientet e jashtme ndërkohë që do të jenë të detyrueshme në ambiente të brendshme dhe transport publik. Ndërkaq ora policore shtyhet në orën 23.00. Këto masa hyjnë në fuqi nga 1 qershori.
“Komiteti mendon që ka një vend për një lehtësim të masave dhe propozon të jenë të tilla. Duke nisur nga 1 qershori të hiqet detyrimi për mbajtjen e maskës në ambiente të jashtme, mbetet në ambientet e mbyllura dhe mjetet e transportit publik. Ora policore kalon në orën 23.00. Sa i përket klubeve do vijojnë të mbeten të mbyllura dhe muzika deri në orën 22.00”, tha ajo.
Rakacolli shtoi se nga 15 qershori do të lejohen grumbullimet deri në 50 persona, duke respektuar rregullat e distancës sociale. Ndërsa nga 1 korriku ora kufizuese do të kalojë në orën 24.00.
Nga data 15 qershor grumbu8llimet bëhen 50 persona duke respektuar rregullat e distancës sociale.
Sakaq, Komiteti Teknik i Ekspertëve mes masave lehtësuese tha se do të lejohen dhe kampionatet sportive me tifozë, me kapacitete të reduktuara në 30%. Ndërkaq sipas zv. ministres Mira Rakacolli lejohet dhe hapja e teatrove, konferencave etj, gjithashtu me kapacitete të reduktuara sipas protokolleve të vendosura nga ministria e Shëndetësisë.
Albana Fico, drejtoresha e ISHP-së gjatë mbledhjes së komitetit teknik të ekspertëve tha se pozitiviteti i mostrës tashmë është nën 1% dhe se aktualisht në spitale janë të shtruar 43 persona, shtatë prej të cilëve në terapi intensive.
Ndërkohë ka rënë dhe mesatarja ditore për 100 mijë banorë.
“Numri i bashkive me raste të reja është nëntë. numri i shtrimeve i ulët, është 43 i raportuar numri i personave të shtruar në spitalet COVID me 7 persona në terapi intensive. Update do e kemi sot në komunikimin e ditës. Pozitiviteti i mostrës në 1 %. Ndihmesë ka qenë dhe fakti që po vijon vaksinimi. Pavarësisht shifrave dhe qëndrueshmërisë pandemia nuk ka përfunduar. Dhe pse pozitiviteti i mostrës mbetet në shifrat që thamë e rëndësishme të zbatojmë masat.
