Kledi Kadiu, është një prej artistëve më të njohur të baletit shqiptar, i cili punon dhe jeton prej shumë vitesh në Itali. Pavarësisht situatës pandemike, ai do të vazhdojë traditën vjetore të organizimit të konkursit të tij “TALENTS ON STAGE”, i cili do të zhvillohet online më datë 13 qershor.

Ky event do të mbahet në platformën DanceNow.it dhe fituesve do i ofrohen bursa të plota studimi. Në komisionin e përzgjedhjes, do të jetë edhe balerina shqiptare Anbeta Toromani, e cila jeton gjithashtu në Itali.

“Ky vit na mësoi se nëse besojmë se mund të shkojmë kudo. Kjo është arsyeja pse nuk e lashë veten të mundem nga rrethanat e vështira, për të mos thënë të pamundura, dhe edhe pse jo drejt për drejtë, dëshiroja të vijoja traditën vjetore të konkursit tim me që ndryshe nga vitet e shkuara do të jetë online”, thotë vetë Kledi në rrjetet sociale.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.