“ALBANIA” ishte një gazetë e cila nisi të botohej në Romë në shtator të vitit 1901. Abonimet për këtë periodike kushtonin 20 lira për të huajt dhe gratis për Shqipërinë.
Në gazetë trajtoheshin çështjet e Shqipërisë nën sundimin Osman.
“Shqiptarët e mjerë, pa një drejtim, vuajnë çdo ditë për shkak të udhëheqjes dhe gabimeve që bëjnë ata që udhëheqin. Drejtuesit e vendit duke qenë me kombësi të huaja nuk interesohen aspak për të ardhmen e vendit dhe formimin e individit. Çdo ditë që kalon Shqipëria bie në dorën e të huajve…”, shkruhej në një nga paragrafët e gazetës “ALBANIA”, e cila si çdo botim tjetër në Diasporë në ato vite jepte kontributin e vyer për Shqipërinë e lirë një ditë.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë