Këngëtarja shqiptare, Dua Lipa ka fituar dy çmime në ‘Brits Awards 2021’, ajo ka fituar çmimin për “Albumin më të mirë” dhe “Best Solo Artist”.

Dua Lipa ka mbajtur edhe një fjalim dedikuar punonjësve të shëndetësisë britanike, para audiencës së njërit prej festivaleve ku vlerësohen artistët britanikë.

“Mendoj se ajo që ne duhet të bëjmë sonte është një duartrokitje e madhe dhe të dërgojmë një mesazh Borisit (kryeministër britanik” që të mbështes dhe të këtë një rritje page për punëtoret e vijës së parë shëndetësore në Britani”, ka thënë Dua.

“Nuk po më besohet që kjo po ndodh. Ky album ka shumë kuptim për mua dhe faleminderit të gjithë atyre që e kanë dëgjuar. Ky album më ka mësuar shumë si vetëbesimin, fuqinë, kurajën dhe më ka dhënë shumë dashuri dhe miqësi. U jam shumë falënderuese njerëzve të mrekullueshëm me të cilët kam punuar dhe kam krijuar një album të tillë”, ka thënë Lipa kur mori në dorë çmimin e albumit më të mirë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.