Giacomo Vuxani ishte një politikan dhe patriot shqiptaro – italian i lindur në fshatin Arbanas të Borgo Erizzo (tani “Arbanasi”), në periferi të qytetit të Zarës në Kroaci.

Giacomo Vuxani i kreu studimet e mesme klasike në Zarë, në vitin 1910. Më pas ai regjistrohet në Fakultetin Juridik të Universitetit të Gracit, në Austri. Në të njëjtën kohë, ai nisi të marrë pjesë intensivisht në jetën italiane të qytetit të lindjes së tij, Zarës, dhe në veprimtaritë e shoqatave atdhetare e nacionaliste, duke kryer detyra të besuara, nën udhëheqjen e ndritur të atdhetarëve Dalmatë, si Ziliotto dhe Ghiglianovich.

Giacomo Vuxani kurrë nuk harroi gjuhën e atdheut të të parëve të tij, gjuhën shqipe, të cilën familja e tij e fliste dhe e ruante me shumë dashuri e pasion, ashtu siç ruante dhe zakonet e traditat shqiptare.

Në vitin 1910, Giacomo Vuxani promovon e organizon “Shoqatën Italo- Shqiptare” të Borgo Erizzos, që kultivon lidhjet me Shqipërinë, dhe bashkëpunon me eksponentët më të shënjuar të diasporës, si Prof. Zef Skiroi (Giuseppe Scirò) dhe Rosolino Petrotta.

Giacomo Vuxani bashkëpunoi ngushtë edhe revistën “Albania” “Bruksel – Londër,1897-1909).

Koliqi thotë se: “Në shqiptarët e Shqipërisë nderojmë Vuxanin, një nga personalitetet më përfaqësues të diasporës sonë, një të zgjedhurin tonë që ka lënë dëshmi të ndritura të virtyteve bujare të shqiptarisë dhe të besnikërisë ndaj kultit të traditave të tij fisnike atdhetare.”

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.