Shoqata e Mësuesve Shqiptarë “Naim Frashëri” organizoi online një takim pune me anëtarët e saj, ku temë diskutimi ishte: “Regjistrimi i nxënësve shqiptarë në mësim në gjuhën shqipe në Austri për vitin 2021/2022”.

Mësimi i gjuhës shqipe në Austri ofrohet falas në ambientet e shkollave publike nga shteti austriak, një mundësi shumë e mirë për fëmijët shqiptarë.  Mësimi në gjuhën shqipe organizohet në shkollat publike austriake dhe financohet nga shteti austriak.

Takimin e udhëhoqi kryetarja e shoqatës Miradije Berishaj, ndërsa në takim morën pjesë shumica e mësuesve shqiptarë në Austri. Zonja Berishaj i informoi kolegët e saj për punën dhe aktivitetet e Shkollës “Naim Frashëri“ gjatë kohës së pandemisë Covid 19. “Janë bërë më tepër se një vit që janë pezulluar të gjitha aktivitetet kulturore e sportive me prezencë fizike në tërë vendin për shkak të pandemisë covid 19. Megjithatë, shkolla “Naim Frashëri” në bashkëpunim më dy ambasadat e vendeve tona organizuam programe virtuale me rastin e festave tona kombëtare, 28 Nëntorin dhe 17 Skurtin! Ndërkohë në cilësinë e kryetares kam patur kontakte të shumta me përfaqësues të institucioneve të vendeve tona dhe të mediave ku në fokus ka qenë gjithnjë mësimi në gjuhën shqipe në Austri“- tha mes tjerash Berishaj.

Cështja më e diskutuar ishe se si të arrihet përfshirja sa më e madhe e nxënësve shqiptarë në mësimin në gjuhë shqipe.

Shoqata e Mësuesve Shqiptarë “Naim Frashëri“ u bën thirrje publike të gjithë prindërve shqiptarë në Austri që ta shfrytzojnë këtë ofertë të shtetit austriak, të kontaktojnë mësuesit shqiptarë në qytetin apo regjionin ku jetojnë, të pyesin në shkollat ku mëson fëmija i tyre, se ku dhe si mund t’i regjistrojnë fëmijët në mësim në gjuhën shqipe! Është në të mirën e nxënësit, në të mirën e prindit dhe në të mirën e kombit. Mos hezitoni! Tani është koha për regjistrim për vitin shkollor 2021/2022.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.