Drilon Çupi, specialist i mjekësisë interne dhe urgjencës në Gjermani, në një intervistë flet për heqjen e Shqipërisë nga “lista e kuqe” e vendeve që paraqesin rrezikshmëri të lartë përsa i përket infeksioneve të COVID-19.

“Gjermania ka hequr Shqipërinë së bashku me Maltën nga shtetet me rrezikshmëri të lartë për infektimet me COVID-19. Shqipëria sipas autoriteteve gjermane kanë vlerësuar se janë vende që nuk kanë rrezikshmëri të lartë. Për Shqipërinë është bërë një vlerësim për shifrat,, në rritjen e incidencës dhe për reagimin e shtetit kundrejt infeksioneve dhe sa kapacitet spitalor”, tha ai.

Ai flet edhe për procesin e vaksinimit në Gjermani. Mjeku shqiptar shprehet se, shqiptarët që do shkojnë në Gjermani nuk kanë më nevojë për karantinë dhe nuk do t’u duhet të paraqesin një test negativ të COVID-19.

Lexo edhe- Gjermania heq Shqipërinë si zonë rreziku, ja çfarë ndryshon nga 9 maji

“Kjo ka rëndësi për Shqipërinë sepse shqiptarët që do shkojnë në Gjermani nuk kanë më nevojë për karantinë dhe nuk do t’u duhet të paraqesin një test negativ të COVID”, vijoi ai.

Prej disa javësh tashmë, numri i infeksioneve ditore me COVID dhe viktimave ka pësuar rënie të ndjeshme, ndërsa Shqipëria është hequr edhe nga harta e kuqe e COVID në botë. Ky përmirësim i situatës vjen edhe si pasojë e vaksinimit masiv në vend që po vijon me ritme mjaft të shpejta, ku sipas shifrave të publikuara një ditë më parë nga Ministria e Shëndetësisë, deri më tani janë kryer në total 572 226 vaksinime.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.