Ndonëse në Shqipëri u bë e njohur pak kohë më parë, Ana Golja është një nga aktoret më të mira në Kanada. Në një intervistë virtuale në emisionin “Rudina”, artistja ka treguar për eksperiencën ku luajti krah aktorit të njohur John Travolta.

Bukuroshja e cila ka lindur dhe jeton në Kanada, theksoi se Travolta është një person shumë i dashur dhe një idhull për të. “Ishte si një ëndërr për mua sepse gjithmonë e kam adhuruar si aktor. Me një aktor të tillë ti mund të mësosh duke luajtur vetëm në krah të tyre. Ai ishte jo vetëm profesionit por edhe shumë i thjeshtë, njerëzor, i dashur. Ai mori vesh që më pëlqenin patatet e skuqura dhe e porositi kuzhinierin e tij të mi gatuajë,ose kërcente me mua në pushimin e drekës dhe ishte tamam ëndërr”, shprehet ajo.

Lexo edhe- Ana Golja: Si më frymëzoi stërgjyshja ime shqiptare për të bërë një film

Përveç aktrimit, Ana Golja njihet edhe si këngëtare e regjisore, ku së fundi ishte edhe vetë protagoniste në filmin e saj “The Cuban”.

Më 24 prill ajo ka postuar këngën e saj më të re në platformën muzikore “Spotify”. “Glass” është titulli i këngës së artistet shqiptare.

“Nuk mund ta besoj, por kënga e ime e re “Glass” tashmë mund ta dëgjoni në të gjitha platformat. Faleminderit gjithë bashkëpuntorëve që bënë të mundur këtë moment. Faleminderit të gjithë fansat e mi për suportin”, shkruan Ana Golja në Instagram.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.