Pasditen e së mërkurës, rreth 100 persona kanë demonstruar kundër dëbimit të një familjeje shqiptare me pesë anëtarë nga autoritetet e imigracionit, para ndërtesës së rrethit në Siegburg.

Demonstruesit akuzuan administratën e rrethit dhe administratorin e rrethit Sebastian Schuster, se kishte deportuar nënën 36-vjeçare dhe katër fëmijët e saj në atdheun e tyre, edhe pse ata ishin të traumatizuar nga babai i familjes, pasi kishin përjetuar dhunë.

Nëna 36-vjeçare u mor nga klinika shtetërore LVR në Bon herët në mëngjes dhe u dërgua në aeroportin e Dyseldorf për dëbim, bashkë më fëmijet, më i madhi 16 vjeç.

Demonstruesit kritikuan gjithashtu faktin që dëbimi u bë, megjithëse komisioni i rasteve të rënda dhe komiteti i peticioneve i parlamentit të shtetit, kishin folur në favor të një të drejte që kjo familje të qendronte. Midis demonstruesve ishin kryesisht anëtarë të famullisë katolike në Hennef-Happerschoss, ku familja kishte jetuar për rreth dy vjet dhe kishte marrë kujdes intensiv. Mësuesit dhe shokët e klasës të fëmijëve nga shkolla gjithëpërfshirëse Hennef gjithashtu demonstruan për kthimin e familjes, raportojnë mediat gjermane.

Gjatë kohës që demonstrimi vazhdonte para ndërtesës, nisi njëkohësisht edhe një peticion në internet i cili u nënshkruar nga 4300 persona.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.