I riu shqiptar Arbër Loci, jeton në Nju-Jork të Shteteve të Bashkuara të Amerikës. Ai do të jetë pjesë e filmit me titull “Blood mixed”, ku do të ketë dy role në këtë projekt të ri.

Arbri tregon rreth eksperiencës së re dhe dëshirës për të nisur studimet e larta në aktrim. “Ky është filmi i parë ku luaj, producenti më pa duke u stërvitur në arte marciale dhe më bëri ftesë të provoj të luaj në filmin e tij”, – rrëfen Loci për emisionin “Shqipëria live”.

Arbri tregon se do të ketë dy role në këtë film. “Është një rol që jam me maskë dhe në pjesën e dytë, pjesa kryesore, është fundi i filmit. Personi që jeton duhet të më vrasë mua në fund që të vdes vetë”.

19-vjeçari zbulon se është në rolin e një shqiptari dhe në film do të flitet shqip, por pa treguar se për çfarë bëhet fjalë.

“Ky është filmi i parë ku luaj. Në shtator do të filloj shkollën e lartë për aktrim”, rrëfen i riu.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.