“Turistët që vijnë nga SHBA-ja do të autorizohen të vizitojnë Bashkimin Europian në muajt e ardhshëm, me kusht që të jenë të vaksinuar kundër COVID-19”, deklaroi presidentja e Komisionit Europian, Ursula von der Leyen në një intervistë për “New York Times”.

“Amerikanët, sipas asaj që unë shikoj, përdorin vaksina të miratuara nga Agjencia Europiane e Medikamenteve (EMA)”, theksoi ajo.

“Kjo do të mundësojë qarkullimin e lirë dhe lëvizjet drejt Bashkimit Europian”, shtoi presidentja e Komisionit Europian, Ursula von der Leyen.

“Sepse një gjë është e qartë, 27 shtete anëtare do të pranojnë, pa kusht, të gjithë ata që janë vaksinuar me vaksinat e miratuara nga EMA”, nënvizoi Von der Leyen për të përditshmen nju jorkeze.

Presidentja e Komisionit Europian nuk ka zbuluar kalendarin, por New York Times ka theksuar se rregulla të reja mund të vendosen që prej kësaj vere, ndërkohë që vaksinimet po rriten në mbarë botën.

Agjencia Europiane e medikamenteve ka miratuar tre vaksina në përdorim në SHBA, Moderna, Pfizer-BioNTech dhe Johnson & Johnson.

Duke e vënë theksin tek përparimi i madh i SHBA-së, Von der Leyen vuri në dukje se ata ishin në rrugën e duhur për të vaksinuar 70% të popullsisë së tyre të rritur deri në mes të qershorit.

Rinisja e udhëtimit do të varet nga situata epidemiologjike, por situata po përmirësohet në SHBA, me shpresojmë edhe në Bashkimin Europian”, shtoi ajo.

Pandemia ka shkatërruar industrinë e turizmit në kontinentin Europian, siç tregohet nga mbyllja e kufijve për udhëtimet jo-thelbësore të prezantuara nga disa vende të BE.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.