Epidemiologia shqiptare Rudina Muzina, ushtron profesionin e saj në Texas të Shteteve të Bashkuara të Amerikës. Në një intervistë ajo flet rreth pandemisë dhe situatës me vaksinën “Johnson&Johson”.

“Të rinjtë në Amerikë po refuzojnë të vaksinohen, sepse mendojnë se nuk do të jenë të rrezikuar. Pfizer dhe Moderna kanë qenë vaksinat më të përdorura në SHBA”, tregon doktoreshë Mezini.

Gjithsesi ajo shton se vaksinat nuk do të mungojnë, sepse modelet amerikane po tregojnë që nga 2 deri në 4 javët e ardhshme prodhimi do të kalojë kërkesën, që do të thotë ka më shumë vaksina sesa ata që e duan atë.

Përsa i përket rasteve që pësuan komplikacione për shkak të vaksinës me një dozë “Johnson&Johson”, Mezini shprehet:  “Para dy javësh pati probleme dhe vaksina u pezullua, sepse sistemi punon dhe konstaton. U pa se tek 6 gra nga mosha 18 deri në 49 vjeç pati bllokim të enëve të gjakut që depërtojnë gjakun në tru. Ky konstatim ishte një ndarje shumë e mirë e të dhënave, ishin 6 raste në 7 milion të vaksinuar. Në ndalimin e parë të vaksinës ne prisnim të dhëna të detajuara, por ende nuk ka të dhëna të plota të këtyre pacientëve që kanë pasur probleme. Mendojmë se kjo vaksinë do të ketë një letër shoqëruese që mund të tregojë efektet anësore që mund të ketë. Personat që marrin vaksinën duhet të jenë të kujdesshëm tri javë pas kryerjes së vaksinës. Kundërindikacionet janë shumë të ndryshme dhe është shumë e rëndësishme që të kemi të dhëna të detajuara”, shprehet Epidemiologia shqiptare Muzina për emisionin “Shqipëria Live”.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.