Ali Delialliasi lindi në qytetin e Shijakut.  Shkollën fillore e kreu ne qytetin e lindjes. Më pas Liceun Francez të Korcës. Në vitin 1934 regjistrohet në Fakultetin e Mjekësisë të Barit, Itali, të cilin e përfundoi me rezultate të shkëlqyera në vitin 1940. Po këtë vit kthehet në Shqipëri dhe emërohet në Spitalin Civil të Tiranës.

Ka shërbyer nga veriu në jug të Shqipërisë. Në vitin 1945 në qytetin e Kukësit, ku për herë të parë hapi spitalin e këtij qyteti. Më pas lëviz në Shkodër, Përmet, Tepelenë, Gjirokastër. Në vitin 1958 në qytetin e Elbasanit ku punoi deri në fund të jetës së tij. Një nga mjekët e parë infeksionistë të Shqipërisë.

Në Elbasan ushtroi një aktivitet të shquar, krahas mjekëve me emër të këtij qyteti, si Xhomo, Kapshtica, Nosi, Kokobobo, Bordi, Dinçi, Mborja, Sheti, Guxho, Demiri, etj. Në sajë të aftësive të tij profesionale, komunikimit të shkelqyer, u bë një nga mjekët më të respektuar të këtij qyteti.

U nda nga jeta në Elbasan në vitin 1978, duke lënë gjurmë në kujtesën e këtij qyteti, të cilit i shërbeu për shumë vite me dashuri e përkushtim.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.