Elbasan Rashani ka shpërthyer në Superligën e Turqisë, duke shënuar dy gola për skuadrën e tij Erzurumspor.
27-vjeçari ia solli fitore si mysafir me rezultat 3-2 2 ndaj Denizlispor, një duel për mbijetesë në elitën e futbollit turk.
Sulmuesi i Kosovës u fut në fushë në minutën e 56-të, kur vendasit po fitonin 2-1.
Rashani përmbysi gjithçka me golat e realizuar në (79′) dhe (86′). Të parin e gjeti pas kombinimeve të bukura me Karakullukcu, ndërsa goli i fitores erdhi pasi një lëvizje të bukur në zonë.
Këto ishin dy golat e parë me ekipin turk për Rashanin, i cili la norvegjezët e Odds BK në ditët e fundit të muajit janar për të vijuar karrierën tek BB Erzurumspor.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.