Në aeroportin e Kukësit është ulur dhe avioni i parë në pistë duke startuar kështu edhe punën në aeroportin e dytë të Vlorës.
Gjatë ceremonisë inauguruese, kryeministri Edi Rama tha se do të jetë një motor zhvillimi.
“Një aeroport është një motor zhvillimi. Çdo aeroport e nis si aeroport lokal dhe ka një procedurë certifikimi që zgjat 50-60 ditë dhe pasi bëhet certifikimi si aeroport ndërkombëtar, e ndërkohë gjatë këtyre javëve do të bëhen dhe marrëveshjet me kompanitë ajrore dhe që do t’i japë mundësi njerëzve të gjithë kësaj zone, të rajonit tonë, të shkojnë në destinacione që nuk shkon dot nga Tirana në disa raste, atëherë menjëherë do të nisë një lëvizje që do të shkojë duke u rritur”, tha ai.
Rama shpjegoi dhe historikun se pse ky aeroport do të quhet “Zayed- Flatrat e Veriut” e që lidhet me luftën e Kosovës.
““Ky aeroport është dhe një vend kujtese, dhe godina e këtij aeroporti është dhe një tempull i kujtesës së kësaj zone dhe këtij komuniteti të madh shqiptarësh nga Prishtina në Tiranë dhe kudo ku jetojnë shqiptarë, sepse pikërisht në këtë zonë u ngrit dhe kampi i madh i atyre që u shpërngulën nga shtëpitë me dhunë dhe u dyndën drejt Shqipërisë, ku Kukësi ishte stacioni më i populluar. Në atë kohë këtu erdhën shumë njerëz nga e gjithë bota e mes tyre dhe dikush që është p[princi i kurorës i Emirateve Zayed, i cili është i biri i një prej burrave më të urtë që ka njohur kjo botë, që me largpamësinë e tij dhe vizion gjenial arriti ti japë jetë atyre që sot ne e njohim si EBA.
Gjurma e kësaj piste është gjurma e kësaj historie të jashtëzakonshme solidariteti për ata të cilët kishin nevojë në atë moment për të gjithë forcën e dashurisë e vllazërisë për ti mbijetuar barbarisë së spastrimit etnik. Princi e kujton që kur ai ishte këtu i ati e merte dy herë në ditë, të gjithë ju që jeni aty bëni kujdes në shpërndarjen e ndihmave që asnjë familjeje të mos i mungojë ushqimi, uji dhe mbi të gjitha bëni shumë kujdes që në shpërndarjen e këtij solidariteti të mos ndodhë që askush të ndjejë dallim për arsye fetare”, tha ai.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
