Tirana rurale ka shumë vende fantastike për tu eksploruar e që së fundmi janë kthyer në destinacione turistike të fundjavës.
Një prej tyre është dhe kanioni i Lumit Tërkuze që ndodhet mbi fshatin Priskë e Vogël.
Rruga për tek kanioni është pjesërisht e asfaltuar dhe pjesërisht me çakull. Kjo rrugë është dhe e njejta që të shpie dhe tek liqeni i Bovillës dhe kanioni ndodhet pak para se të arrish liqenin.
Kanioni ka nje gjatësi rreth 1200 metra (1.2 km) dhe përfaqëson një formacion gjeologjik në shkëmbinj gëlqerorë, një reliev të modeluar nga veprimtaria e ujit të “lumit Tërkuzë” në shekuj. Uji kalon nëpër hinka dhe zgavra dhe krijon një pamje tërheqëse.
Gjatë sezonit të verës mund të eksplorohet kanioni edhe me not, kacavjerje dhe ecje, në drejtim të kundërt të rrymës ose në të njëjtin drejtim, varet nga zgjedhja duke u përballur me forcën e lumit, më shumë për guximtaret.
Lumi Tërkuzë rrjedh në pjesën veriore të Tiranës dhe derdhet në lumenjtë Tirana dhe Ishëm. Lumi Tërkuze me gjatësi 30 km, përshkon zonën e Zall-Herrit nga lindja në perëndim.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
