Artistja shqiptare me famë botërore, Bebe Reexha, ka publikuar këngën e saj të radhës nga albumi i cili pritet të publikohet së shpejti, “Better Mistakes”.

“Sabotage” mban titullin kënga e re, kompozuar dhe shkruar nga: Bebe Rexha, Greg Kurstin, Jon Hume, Michael Matosic, dhe Michael Tighe.

Artistja shqiptare e publikoi këtë baladë shoqëruar me një klip, në të cilin ajo vjen me disa skena të ndjeshme dhe emocionale, të cilat i përshtaten tematikës që trajton kënga.

“Kjo këngë do të thotë absolut bota për mua. ‘Sabotage’ ka dalë tani, shpresoj të kënaqeni album Albumi im i ri ‘Better Mistaakes’ është gjithashtu i disponueshëm për para-porositje tani”, shkroi Rexha në Instagram pas lansimit të projektit muzikor.

“Sabotage” bëhet kënga e tretë nga albumi i saj i ri që publikohet para daljes në treg të tij, zyrtarisht më 7 maj.

Deri më tani janë publikuar edhe dy këngë të tjera të cilat kanë pasur shumë sukses: “Sacrifice” dhe “Baby, I’m Jealous” në bashkëpunim me Doja Cat.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.