Në marsin e vitit 1999 kryebashkiaku i saj kohe i Kukësit do i drejtohej bashkëqytetarëve të vetë se ishte e pamundur që motrat dhe vëllezërit kosovarë të strehoheshin të gjithë në bashki. “Prandaj duhet të hapim dyert dhe zemrat tona”, tha ai.
Lexo edhe- FOTO DITE- Lufta e Kosovës, kur Kukësi u nominua për çmimin Nobel
Kështu nisi pritja kuksiane e rreth 450 mijë shqiptarëve të Kosovës duke ndarë me ta kafshatën dhe shtëpinë. Kukësi mbetet qyteti i parë në botë që u kandidua për çmimin Nobel për Paqe.
16 prilli është data kur në Kukës shënohet Dita e Eksodit, si shenjë falënderimi dhe respekti për të gjithë ata persona të cilët hapën dyert e shtëpive të tyre për të pritur shqiptarët e Kosovës.
Në këtë ditë shqiptarë të Kosovës marshuan nga pike kalimi i Morinës dhe iu afruan qytetit të Kukësit. Ata ishin fëmijë, gra dhe të moshuar, të dhunuar, të torturuar dhe të masakruar.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.