Festivali Evropian i Këngës këtë vit do të zhvillohet me spektatorë të pranishëm. Organizatorët e Eurovision kanë siguruar leje për të lejuar një audiencë prej 3.500 personash si pjesë e një eksperimenti të miratuar nga qeveria Hollandeze.

Festivali vjetor do të mbahet në “Ahoy Arena” të Roterdamit, pas anulimit të këtij eventi vitin e kaluar për shkak të pandemisë. Është planifikuar që të ketë një mjedis gjysmë të plotë, ndërsa pjesëmarrësit do t’i nënshtrohen një testi ndaj koronavirus.

“Ne e mirëpresim vendimin dhe mundësinë për të ftuar spektatorë gjatë edicionit të Këngës në Eurovision në maj. Ne do të shqyrtojmë të gjitha opsionet e mundshme dhe do të shpallim më shumë detaje në javët e ardhshme se si të sigurojmë sigurinë e pjesëmarrësve,” tha një nga organizatorët, Martin Österdahl.

Njoftimi pason një eksperiment të ngjashëm që përfshin 1,500 njerëz që ndoqën një festival muzikor afër Amsterdamit në Mars, ndërsa 5,000 spektatorë u lejuan të brohorisnin në ndeshjen e fundit të kualifikimit të Kupës së Botës. Sidoqoftë, Kryeministri Mark Rutte tha se ora e mbylljes do të mbetet në fuqi dhe kufizimet e mëtejshme do të shtyhen me tre javë deri në fund të Prillit. Eurovision do të zhvillohet nga 18 deri më 22 maj dhe organizatorët po vlerësojnë disa skenarë të mundshëm duke përfshirë një shfaqje normale, por gjithashtu mundësinë e shfaqjeve të regjistruara pa një audiencë të drejtpërdrejtë.

Në edicionin e këtij viti Shqipëria përfaqësohet nga Angela Peristeri, si fituese e edicionit të 59-të të festivalit të fundvitit në Radio Televizionin Shqiptar.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.