Të gjithë teatrot në botë e në vendin e artit, në Itali janë bosh. Madje situata u shfrytëzua edhe si motiv për klipet e disa nga këngëve të Sanremos. Ndërkohë opera është një tjetër industri e prekur thellësisht nga pandemia. Prandaj edhe së fundmi “Traviata” e Verdit erdhi në produksionin e një filmi e në rolin e Alfredos.

Pirgu e ka theksuar se sa e vështirë ka qenë kjo periudhë sidomos për operan, sepse ajo të jep kënaqësinë e interpretimit live, aspak online.

Në rolin e Alfredos, Saimir Pirgu ishte këtë herë përkrah Lisette Oropesa në rolin e Violettës. Ndërkohë që e gjitha shfaqja u soll për publikun nëpërmjet Rai 3.

Qëllimi i Traviatës të kësaj here ishte një shfaqe që bazohej tërësisht në interpretimin virtuoz të protagonistëve.

Kemi nevojë për publikun tonë. Ai është gjëja që i mungon më shumë të gjithëve ka thënë Saimir Pirgu për mediat italiane.

Këtë herë regjia u realizua nëpërmjet firmës së Daniele Gatti. Dhe me pjesëmarrjen e Orkestrës dhe Korit të Teatrit të Operas së Romës.

Edhe njëherë kritika qëndron tek shoqëria që nëpërmjet rregullave, protokolleve apo ngurtësisë së saj ndalon  personazhet të jetojnë të lirë intimitetin dhe ndjesitë e tyre.

“Traviata” vjen pas suksesit të fundit të Berberit të Seviljes.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.