Gjatë periudhës së pandemisë janë të shumta familjet e ndihmuara nga “Lidhja e Gruas Shqiptare” në Greqi (Ένωση Αλβανίδων Γυναικών στην Ελλάδα).

Në nismën e radhës shoqata ka siguruar medikamente dhe produkte parafarmaceutike në bashkëpunim me Farmacinë Sociale të Bashkisë Athinë. Këto ndihma do t’i dërgohen familjeve në nevojë.

“Realizuam sot për herë të dytë (hera e parë në shtator 2020) mbledhjen e medikamenteve e produkteve parafarmaceutike, një inisiativë domethënëse e Lidhjes së Gruas Shqiptare në Greqi, në bashkëpunim me Farmacinë Sociale të Bashkisë Athinë. Një numër i madh bashkatdhetarësh ndihmohen nga kjo farmaci, kështu edhe ne menduam që duke dhënë kontributin tonë, ndihmojmë emigrantët dhe këdo tjetër ka nevojë. Për arsye të pandemisë ndihmat u mblodhën disa javë rresht, dhe u përfundua duke mbledhur një sasi të konsiderueshme ilacesh, që do të dorëzohen pranë strukturave përkatëse. Falenderojmë nga zemra gjithë anëtaret tona dhe jo, që ju bashkuan nismës tonë dhe bënë të mundur mbledhjen e kaq shumë medikamenteve, por sidomos zonjën Mimoza Gjini, që siguroi pjesën më të madhe të ndihmave”, kryetarja e LSHGSH, Mirjana Hasalla.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.