Prej disa javësh tashmë Rita Ora ndodhet në kontinentin australian ku është përzgjedhur si anëtare e jurisë në “The Voice Australia”.
Por sakaq, krahas aktivitetit të saj kryesor dhe pushimeve në plazhet australiane, Rita nuk harron as kujdesin për të tjerët. E shoqëruar nga këngëtarja e famshme, Jessica Mauboy, njëherësh kolegia e saj e bashkë-anëtare e jurisë në “The Voice Australia”, ato kanë vizituar fëmijët në Shoqatën Bamirëse ‘Ronald McDonald House Westmead’.
Kjo e fundit është një organizatë e pavarur, jofitimprurëse, e përkushtuar në sigurimin e programeve jetësore për familjet me fëmijë të sëmurë rëndë. Vizita e këngëtares me origjinë shqiptare është transmetuar nga televizioni australian Channel 7, ndërsa dhe vetë faqja e qendrës në një postim të shpërndarë në Facebook, falenderon Ritën dhe Jessicën për këtë vizitë, që i ka lumturuar sado pak fëmijët e sëmurë që gjejnë mbështetje në këtë qendër.
“A i keni parë lajmet? Ne jemi shoqëruar me Rita Orën dhe Jessica Mauboy sot. Ne nuk mund ta besojmë fare. Familjet tona nuk mund të merrnin mjaft nga energjia e tyre infektive dhe i bindën Ritën dhe Jess të këndonin disa melodi të improvizuara. Ne jemi shumë mirënjohës që ata gjetën kohë të ndaleshin dhe të flisnin me secilin prej familjes tonë. Çfarë pasdite e veçantë. Falënderime të mëdha për Channel 7 për realizimin e kësaj”, ka shkruar organizata në faqen e saj.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
Have you seen the news? We hung out with Rita Ora and Jessica Mauboy today. We can’t quite believe it 🙌. Our families…
Posted by Ronald McDonald House Charities Greater Western Sydney on Thursday, April 8, 2021