Në vazhdim të komunikimeve, ministri i Shtetit për Diasporën, në bashkëpunim me Organizatën Ndërkombëtare për Migracionin (IOM) ka filluar zbatimin e planit te veprimit të “Strategjisë Kombëtare për Diasporën 2021-2025”, ku ditën e sotme ka prezantuar 6 ekspertët të cilët do të mbështesin institucionet shqiptare në zbatimin e strategjisë

Pjesë e takimit ishte edhe Ministri i Shtetit për Diasporën, Z. Pandeli Majko, i cili theksoi rëndësinë e zbatimit Strategjisë Kombëtare për Diasporën 2021-2025.

“Qëllimi i këtij takimi është njohja e ekspertët e ri të cilët do të jenë pjesë e Institucioneve dhe do të japin kontributin e tyre në zhvillimin e këtij plani. Secili prej ekspertëve do të realizojë takime me zv.Ministrat përkatës dhe do të vijoi punën me bashkëpunimin absolut nga ana e tyre. Ju të gjithë jeni një vlerë e shtuar e këtij projekti. Bisedimet mes nesh do të vijojnë për tú informuar në vazhdimësi në lidhje me këtë projekt”, u shpreh Ministri Majko.

Institucionet me të cilët do të bashkëpunojnë 6 ekpertët e IOM janë: Ministria e Arsimit, pjesë e së cilës është zgjedhur Lorena Zajmi, si konsulente lokale për bashkëpunimet me Diasporën. Ministria e Jashtme, eksperte e zgjedhur në këtë institucion është Stenaldo Mhilli, diplomuar për Marrëdhënie Ndërkombëtare.

Ministria e Kulturës, eksperte e zgjedhur nga IOM, Migena Kondo, me profesion juriste, prej vitesh pjesë e organizatave ndërkombëtare.

Ministria e Financave, ekspert i zgjedhur Knidi Bashari, me një ekperiencë të gjatë në këtë institucion.

Ministria e Drejtësisë, eksperti i zgjedhur Xhon Skenderi, Pedagog në fakultetin e Drejtësisë. Gjithashtu bashkëpunimi me Bankën e Shqipërisë, me ekspert Ardi Sukaj.

Gjatë takimit ditën e sotme të gjashtë ekspertët e IOM prezantuan veten e tyre, si dhe u njohën me zv.Ministrat e institucioneve përkatëse, me të cilët do të bashkëpunojnë për të çuar më tej projektin.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.