Qeramika nuk është vetëm përbërje e një objekti apo një mobilje: mund të jetojë në një hapësirë duke krijuar mjedise të karakterizuara ngah hapësira metafizike. Kjo është ndjesia që të japin skulpturat e Ylli Plakës, punimet që zbukurojnë kopshte dhe muze.
Mediat italiane shkruajnë për punimet e artistit shqiptar të lindur në Shqipëri dhe të diplomuar në Akademinë e Arteve të Bukura në Skulpturë Qeramike. Prej 1991 jeton në Itali ku nisi fillimisht të punojë në një fabrikë të njohur në prodhimin e tenxhereve të zjarrit në Abisola. Fabrika me histori 140-vjeçare prodhon enë argjile. Duke pasur parasysh aftësitë e tij ai u bë shpejt prodhues zyrtar i modeleve të fabrikës, por më vonë vendosi ti përkushtohej aktivitetit të tij artistik në studio.
Ylli Plaka ka punuar me emra të rëndësishëm dizanjësh si Michelangelo Pistoletto, Alessandro Mendini, Andrea Branzi, Paolo Ulian, Franco Raggi, Denis Santachiara, Rovero, Daganell, Vitone, Paruçini, Levi, Georgacopoulos, Dolèac dhe Burkhardt.
Plaka ka realizuar shumë ekspozita personale dhe në grup. Ai mori në vitin 2009 çmimin e parë në seksionin e artistëve në Festivalin Ndërkombëtar Majolica ku u zgjodh mes 500 punimeve pjesëmarrëse.
Shumë nga veprat e tij emblematike gjenden duke zbukuruar kopshte dhe vende publike. Disa nga skulpturat e tij janë vendosur përgjatë shëtitores së qytetit të Celle Ligure dhe asaj të qytetit të Varazze. Kopshtet që mbajnë skulpturat e tij në mënyrë të përsosur nuk mbarojnë sepse përveç shumë hapësirave të gjelbra private, ne gjithashtu i gjejmë punimet e tij në muze.
Skulpturat e mëdha në natyrë gjejnë pa dyshim pozicionimin e tyre të përsosur midis pemëve dhe parqeve të vilave private, si roje të vendeve të magjepsura dhe një referim poetik ndaj qiellit.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
