Ministri i Shtetit për Diasporën, Pandeli Majko i ka kthyer përgjigje Partisë Demokratike në lidhje me votimin e shtetasve shqiptarë që jetojnë jashtë për zgjedhjet e 25 prillit.
Përmes një postimi në rrjete sociale, Ministri Majko sqaron se që në muajin janar të këtij viti, përfaqësuesit e opozitës në Komisionin Qendror të Zgjedhjeve refuzojnë të kalojnë aktet nënligjore për votën e shtetasve jashtë vendit.
Ministri Majko akuzon PD se qëllimisht ka bllokuar votën e Diasporës përmes përfaqësuesve të saj në KQZ, të cilët “patën paturpësinë të kishin si përgjigje heshtjen refuzuese”.
“Partia Demokratike zgjodhi datën 1 PRILL për të akuzuar me deklaratën se qeveria “ka dështuar me votën e emigrantëve”. Që në muajin janar të këtij viti, përfaqësuesit e opozitës në Komisionin Qëndror të Zgjedhjeve refuzojnë të kalojnë aktet nënligjore për votën e shtetasve jashtë vendit (jo votën e emigrantëve”)
Me gjithë premtimet se do “studjonin” projektet e shkruajtuara në bashkëpunim edhe me përfaqësuesit e organizatave në diasporën shqiptare, patën paturpësinë të kishin si përgjigje heshtjen refuzuese!Gëzuar ditën e gënjeshtrave! Votoni ndryshimin dhe blini librin “Misioni im”! URIME!”, shkruan Ministri Majko.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
