Duke nisur nga e shtuna e 3 prillit, do të ketë pak lehtësira në Greqi, sa i takon situatës së COVID-19. Qarkullimi do lejohet me sms, deri në 3 persona ose 1 familje dhe me maskë të detyrueshme kudo.
Ndërsa nga e hëna 5 Prill do të hapen njësitë e vogla shitëse, me sms në numrin 13032, deri në 3 orë lejim qarkullimi, 1 person në 25 m2 dhe blerje me takim click in ose marrje produkti me click away. Mbyllur mbeten qendrat tregtare.

-Javën që vjen arrijnë self test që do shpërndahen masivisht në shkollat e mesme të vendit, për nxënësit dhe mësuesit. Synohet të rihapen gjimnazet në 12 prill, nëse funksionon në nivelin e duhur procesi i self test në çdo kënd të vendit.
-Spitali i Athinës “Thriasio’ i bashkohet luftës kundër covid 19 nga sot, si spital ekskluzivisht për pacientët e infektuar.

Masat lehtësuese i shpalli sot në mbrëmje zv/ministri i Mbrojtjes Sociale, kompetent për Trajtimin e Krizave, Nikos Chardalias dhe ministri i Shëndetësisë, Vasilis Kikilias.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.