Çdo ditë e më shumë zbehet shpresa se masat kufizuese do të lehtësohen në Holandë.
Izolimi në vend është vendosur të zgjatet edhe me tre javë të tjera, shkak janë bërë rritjet e të infektuarve me COVID-19. Megjithatë ora e shtetrrethimit shtyhet me një orë, në orën 22:00 ndërsa baret restorantet që janë mbyllur që në mesin e tetorit do të vijojnë të qëndrojnë të kyçura.
“Do të doja t’ju bëja thirrje edhe njëherë që t’i përmbaheni rregullave bazë. E kemi bërë edhe më parë. Ne arritën të shmangim valën e tretë të pandemisë dhe sërish mund t’ja dalim. Jam I bindur se sjellja jonë mbetet mënyra më e shpejtë për të lehtësuar masat”, u shpreh Mark Rutte.
Norvegjia
Norvegjia po ashtu po shtyn planet për hapjen e vendit. Masa të reja kombëtare kanë hyrë në fuqi duke mos lejuar shërbimin e alkoolit. Kishte shumë shpresa se në fund të Marsit do të riniste gradualisht lehtësimi i masave kufizuese, por rritja e të infektuarve me variantet e reja largoi çdo shpresë.
Britania e Madhe
Britania e Madhe e përfundoi Ditën Kombëtare të Reflektimit me një ‘fener drite’ ndërsa njerëzit anembanë katër kombeve mbajnë në duar pishtarë dhe ndizen qirinj në përkujtim të atyre që kanë humbur jetën gjatë pandemisë.
Më herët kryeministri Boris Johnson u shpreh se vendi ka kaluar një vit të vështirë.
“Ka qenë një kohë epike e qëndresës dhe privatësisë, festa ditëlindjesh për fëmijë të anuluara, martesa të shtyra, mbledhjet familjare të çdo lloji të fshira nga përditshmëria. Më e keqja nga të gjitha kemi vuajtur humbjet e shumë njerëzve”, tha ai.
Greqia dhe Spanja
Duke iu afruara më shumë stinës së verës Greqia dhe Spanja do të lehtësojnë kufizimet në fluturimet nga Mbretëria e Bashkuar.
Greqia do të fillojë të pranojë fluturime test muajin tjetër, ndërsa nga java tjetër Spanja lejon hyrjen e fluturimeve nga Britania.
Fatkeqësisht qeveria e Johnson për momentin po vendos gjoba prej 5,000 paund për këdo që përpiqet të udhëtojë jashtë vendit pa një arsye bindëse.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
