Vazhdon suksesi i futbollistit shqiptar Marash Kumbulla, i cili po jep maksimumin në Seria A. Roma arriti të kualifikohej për në çerekfinalen e Ligës së Europës, teksa eliminoi në fazën e 1/-8-ve Shakhtar Donjetskun, teksa pas ndeshjes së parë te fituar 3-0 në Itali, verdhekuqtë triumfuan edhe ditën e sotme me rezultatin 1-2.

Mbrojtësi i Shqipërisë, Marash Kumbulla ishte titullar në të dyja ndeshjet, teksa ashtu si në ndeshjen e parë, edhe sot bëri një paraqitje shumë të mirë.

Shqiptari është vlerësuar me notën 6.5 nga mediat italiane, teksa “Tuttomercattoëeb”, për shqiptarin shkruan: “Ashtu si në ndeshjen e parë, shfaqet shumë mirë në fushë. I vëmendshëm, i përpiktë dhe dominues në luftën në ajër. Bëri një lojë të shkëlqyeshme”.

Kujtojmë se Kumbulla ishte titullar edhe në ndeshjen e kampionatin, ku gjithashtu tregoi performancë të mirë dhe vjen në Kombëtare në një formë të shkëlqyer.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.