Ndonëse është lindur në Jordani, Jahja Alarnuti, me prejardhje shqiptar, di të flasë rrjedhshëm gjuhën shqipe.

Në një rrëfim të publikuar nga Kamil Bitis, Jahja Alarnuti, i cili përkohësisht po qendron në Kosovë, ka treguar se familja e tij është shpërngulur nga Ferizaj drejt Jordanis në vitin 1904, ndërsa babai i tij ka qenë vetëm 4 vjeç në atë kohë.

Alarnuti, i cili thotë se në Kosovë ka pasur mbiemrin Gashi, ka vizituar Kosovën vetëm një herë në vitin 2006, ndërsa tregon se rrallë has në shqiptarë në Jordani.

“Ne jemi nga Ferizaj fisi Gashi. Në vitin 1904 janë shpërngulur dhe babai im ka qenë 4 vite kur u shpërngulën në Jordani. Rradhë takon shqiptarë të tjerë në Jordani. Ka disa që e nuk e dinë nëse janë shqiptarë ose nga Turqia. Gjyshi im kur erdhi gjeti një fshat dhe u vendos.

Në Kosovë kam qenë njëherë para 10 vitesh dhe sigurisht më pëlqeu dhe më vlonte gjaku. Kërkova nënshtetësi, por duheshin shumë letra. “Që ku kam qenë i vogël këndonim këngë për Kosovën,thonim se donim të lironim Kosovën dhe ninullat i mbajmend shqip. Edhe komshit tani i mësonin ninullat shqip.”

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.