Qeveria greke hedh hapat e para drejt lehtësimit të lockdown të ashpër për muaj me radhë.

Kusht për këtë lehtësim gradual është kryerja me iniciativë personale e testit të shpejtë (rapid test) që mund të kryhet nga kushdo në farmaci apo shtëpi dhe është krejtësisht falas.

Nga fundi i Marsit farmacitë e Greqisë do të furnizohen me self rapid test, ku çdo qytetar ka të drejtë të kryejë deri në 4 në muaj-një në javë- duke dhënë vetëm numrin personal social AMKA. Me kryerjen masive të rapid test, situata mund të vendoset më lehtë në kontroll, kanë deklaruar ekipi i socialistëve për trajtimin e krizës së covid-19.

Paralelisht, nga kjo fundjavë në gjithë vendin lejohet qarkullimi çdo ditë në orarin 05.00-21.00 (nga 05.00-19.00 që ishte në fundjavë). Nga e hëna, 22 mars funksionojnë parukeritë dhe qendrat estetike në gjithë vendin, me kushte tepër të rrepta për mbrojtjen nga covid-19. Greqia po përballet këto javë me shifra tepër të larta të infektuarish, viktimash dhe pacientë në intubim, pavarësisht lockdown të rreptë.

Specialistët e justifikojnë rritjen e infektimeve me lodhjen që ka shkaktuar izolimi i zgjatur në qendrat urbane, kryesisht. Vetëm sot në Greqi u shënuan 2785 të infektuar, 64 pacientë humbën jetën ndërsa 649 janë në intubim.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.