Lusinda Osmanagaj, mjekja shqiptare në Prato, në një intervistë tregon për situatën me COVID-19 në Itali dhe masat e marra nga autoritetet. Ajo flet edhe për procesin e vaksinimit dhe mutacionet e vitusit.

“Së pari dua të saktësoj se në Itali edhe brenda rajoneve të verdhë ose portokalli, ka disa qytete ose komuna që mund të kalojnë zonë e kuqe nëse rastet janë të shumta. Hapur janë vetëm dyqanet e shërbimeve të nevojshme. Ndryshimi këtë herë është se i gjithë cikli shkollor është i mbyllur. Përsa i përket klinikave të mjekëve të familjes, puna vazhdon njësoi, si dhe procesi i vaksinimit. Ne po vijojmë vaksinimin për persona mbi 80 vjeç dhe persona me sëmundje të rënda”, shprehet Osmanagaj.

Përsa i përket normalizimit të situatës, mjeke Lusinda Osmanagaj thekson për “Euroneës Albania” se çdo gjë është në varësi të procesit të vaksinimit:

“Shpresat janë që kur të arrihet numri 500 mijë të vaksinuar në ditë, atëherë deri në shtator e gjithë popullsia mund të jetë e vaksinuar. Pandemia do të zgjas edhe në dy tre vitet e ardhshme, por ajo që gjithë shpresojmë është që pesha që ka në jetën tonë të përditshme të ndryshojë, por virusi nuk do të zhduket pavarësisht vaksinimit që do të vazhdojë çdo vit. Në Itali njerëzit i kanë respektuar masat, por gjithçka varet më shumë nga vaksinimi, sepse njerëzit duhet të lëvizin.”

Sipas mjekes shqiptarë në Prato, në Itali varianti britanik i COVID-19 është ai më i përhapur. “Në Itali pjesa më e madhe e të infektuarve janë me variantin britanik, i cili duket se është ai më i përhapuri. Më pas janë varianti brazilian dhe afrikan, por janë shifra më të limituar.”

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.