Vazhdojnë protesta paqësore edhe ditën e sotme në mjaft lagje të Athinës dhe qyteteve të mëdha të vendit kundër përshkallëzimit të dhunës policore dhe qëndrimit të qeverisë greke kundrejt incidenteve të javës së kaluar kundër qytetarëve civilë.

Thuajse gjithë kryeqyteti grek zien sot nga protestat, nga Nea Zmirni, epiqendra e incidenteve prej ditësh e në Kipseli, Patisia, Glifadha, Elliniko, Kesariani, Zografu,  Peristeri, Kolonos, Sepolia e deri në Egaleo dhe Elefsina, turma njerëzish kanë vërshuar në rrugët e qytetit me moto “Deri këtu”, “Kërkojmë liri dhe të drejta të plota në çdo zonë”, “Fonde shëndetësisë, Jo policisë”.

Protestat paqësore me pjesmarrje masive kanë filluar nga dita e djeshme në gjithë Greqinë, ndërkohë që vendi përgatitet për festën madhështore të Ortodoksisë, të Hënën e Pastër, që shënon dhe çeljen e Kreshmës Ortodokse, e që edhe sivjet do të festohet në kushte tepër të ashpra izolimi.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.