Kryeredaktorja e revistës “Letra nga Diaspora”, gazetarja dhe autorja e njohur znj. Arta Marku në një intervistë mbi ecurinë e revistës letrare. “Letra nga Diaspora”.
“Është e rëndësishme të thuhet që kush e përgatit këtë revistë. Këtë revistë e realizon “Qendra e Botimeve për Diasporën” që është në Ministrinë e Diasporës Shqiptare, është institucioni që e ka hedhur këtë ide dhe ka marrë përsipër ta realizojë… Avantazhi i Qendrës së Botimeve për Diasporën është fakti që drejtohet nga një shkrimtare dhe përkthyese siç është Mimoza Hysa, duke qenë fort e lidhur me librin ajo ka ideuar këtë revistë, pra është ideja e saj revista… Shkrimtarët e Diasporës janë shumë. Shkrimtarë që kanë lindur ose nuk kanë lindur në Shqipëri. Jetojnë jashtë dhe shkruajnë atje. Shumë prej tyre botohen e janë të vlerësuar në vendet ku jetojnë, mirëpo pak njihen në Shqipëri. Ka të tjerë që ende nuk kanë mundur të botojnë në vendet e tyre. Lidhja me Shqipërinë në të gjitha rastet është një domosdoshmëri…” , shprehet Znj Marku.
“Kjo revistë është projektuar si një model standart baza lidhet me krijimtarinë. Shkrimtarët e Diasporës janë të shumtë, botojnë në vendet ku jetojnë, ndaj është e rëndësishme të jenë prezent edhe në vendin e tyre. Kjo revistë është në shqip dhe anglisht. Pjesë e një numri reviste do të jenë 6 shkrimtarë, gjithashtu pjesë është dosieri, që flet për shkrimtarë të së shkuarës. Jemi duke premtuar numrin dy të revistës. Fokusi i revistës mbetet tek letërsia. Revista mund të lexohet lehtësisht edhe online në të dyja gjuhët”, tregon Marku ne emisionin “Rudina”.
Revista letrare “Letra nga Diaspora” është një nismë e Qendrës së Botimeve për Diasporën, e cila si numër i parë përmblodhi krijimtari të përzgjedhur të autorëve të ftuar në Takimin e Shkrimtarëve të Diasporës. Revista është dygjuhëshe shqip dhe anglisht dhe baza qendrore e saj është krijimtaria letrare e autorëve në diasporë. Secili nga autorët e përzgjedhur prezantohet me një fragment të krijimtarisë së tyre. Në vijim profili i tij plotësohet me një intervistë të realizuar me të dhe informacion mbi botimet, biografinë etj. Rubrika të tjera janë “Dossier” që ka të bëjë me personazhe të së shkuarës, “Urat”, e cila përfshin përkthyesit etj. Kjo revistë është konceptuar si një forum komunikimi mes shkrimtarëve të letërsisë shqipe.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
