Dita Ndërkombëtare e Gjuhës Amëtare është festuar edhe nga nxënësit e shkollës shqipe “Children of the Eagle”. Kjo ditë e shënuar u festua me pjesmarrjen fizike të fëmijëve të cilët për shkak të pandemisë ndjekin mësimin online, por në këtë ditë ata u mblodhën në Vatër, duke respektuar masat anticovid.

“Vatra u vesh me ngjyra fëmijësh, të cilët recituan dhe kënduan në gjuhën shqipe. Vargjet e Naimit, Mjedës, Fishtës,etj., erdhën nëpërmjet interpretimit të çiltër e të vërtetë fëminor.

Fëmijë të lindur larg trojeve amë gjuhën e nënës e kanë gjuhë të dytë, por ato e kultivojnë atë në shtëpi dhe në shkollë falë punës së palodhur të mësueseve të ture ndërsa në Vatrën mbarë shqiptare , shqipja e tyre tingëllon kaq hyjnore dhe e bukur. Çdo fjalë, varg dhe tingull artikuluar prej tyre është një mesazh për ne; ta ruajmë dhe pasurojmë gjuhën shqipe si dëshmi e prejardhjes tone”, shprehet Mariana Bulku.

Kryetari i Vatrës Elmi Berisha i përshëndeti vogëlushët, gjithashtu editori i gazetës Dielli Dalip Greca, e disa vatranë të tjerë iu gëzuan çasteve paqësore që sollën fëmijët në Vatrën 100 e ca vjeçare , muret e së cilës, fotot historike , librat u bënë spektatorë të çasteve paqësore që vetëm fëmijët dijnë të dhurojnë.

Vatra foli shqip edhe këtë herë, jo me zëra aktivistësh, shkrimtarësh apo gazetarësh , por me ngjyrat dhe zërat plot jetë të fëmijëve të “ Children of the eagle “.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.