Në konferencën e sotme vjetore të Migrantëve Socialdemokratë të PS Zvicër u zgjodhën dy përfaqësues për Këshillin Drejtues të Partisë Socialdemokrate të Zvicrës. Për postin e lakmuar kishte gjithsej pesë kandidatura. Arbër Bullakaj arriti një shumicë absolute qysh në rundin e parë të votimit dhe u zgjodh me një rezultat të shkëlqyeshëm. Ai po merr postin nga Osman Osmani, i cili ndër të tjera shkaku i pensionimit dhe angazhimeve të shumta ka dhënë dorëheqjen nga ky organ.

“Jam shumë i lumtur për zgjedhjen time dhe besimin që më është dhënë”, thotë Arber Bullakaj kur u pyet se si ndihet. Në prononcimin e tij të mëtejmë shton me mirënjohje: “Osman Osmani, prindi i Migranteve Socialdemokratë të PS të Zvicrës, ka bërë tashmë punë shumë të rëndësishme për ndërtimin dhe zhvillimin e kësaj strukture. Jam i lumtur që ishim në gjendje të përfitonim nga vrulli dhe fryma e tij pioniere. Tani është çështje e vazhdimit të mëtejmë të angazhimit dhe promovimit të mëtejshëm të përfaqësimit të migrantëve në të gjitha organet e rëndësishme dhe gjithëpërfshirëse të PS të Zvicrës”.

Arber Bullakaj dëshiron të vazhdojë punën për më shumë drejtësi sociale. Sidomos gjatë periudhës së COVID-19 është e rëndësishme që të solidarizohemi me të gjithë ata që kanë probleme e vështirësi si rezultat i krizë së pandemisë: “Unë tashmë kam shumë ide për projekte dhe qasje që do t’i sjell PS të Zvicrës qw nga rasti i parë të dhënë duke u kujdesur për vazhdimësi”./ Nga Hilmi Gashi

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.