Ava Max ka publikuar videoklipin e këngës “My head and my heart”. Versioni audio i këngës ishte publikuar tri muaj më parë nga këngëtarja shqiptare.
E shfaqur me stilin e saj të veçantë të flokëve dhe me veshje ngjyrë të zezë dhe të kuqe, Max ka sjell për fansat e saj videoklipin e këngës “My head and my heart”.
Kënga erdhi pas albumit të saj debutues “Heaven and Hell”, që u publikua në muajin shtator.
Kënga u prit shumë mirë dhe mori klikime të shumta, marrë parasysh se shqiptarja me emrin Amanda Koci dhe e njohur si Ava Max është shndërruar në një nga emrat më të pëlqyer viteve të fundit.
“Heaven and Hell” u rendit si albumi i tretë më i dëgjuar i një artisteje femër këtë vit në platformën “Spotify”, duke shënuar një tjetër sukses të madh të artistes shqiptare.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.