Branimir Agovi, tenori shqiptar në Vjenë, në një intervistë tregon për jetën dhe veprimtarinë e tij artistike. Ai flet edhe për situatën në Austri dhe vështirësitë për artistët gjatë pandemisë.

“Situata në Austri ka disa muaj që kemi të njëjtat numra faktikisht, janë rreth 1100-1200 që variojnë në këto numra çdo ditë. Nuk ka situatë alarmante e në të njëjtën kohë shifrat nuk ndryshojnë. Kanë nisur të lehtësohen masat që më 8-9 shkurt të hapen disa dyqane të ndryshme. Për pjesë të tjera, dhe teatri që më përket mua është ende një temë që po diskutohet e mendohet të hapen pas pashkëve”, thotë ai.

Ai tha se situata e pandemisë ka shtyrë një sërë aktivitetsh artistike. “Ka qenë një vit që vetëm janë anuluar shfaqjet nga më të ndryshmet. Tani disa produksione më janë shtyrë për në 2023-shin. Tani vonë ishte dhe një produksion që kisha për të kënduar në operën e Gracit dhe më erdhi një email në moment të fundit e më tha që nuk do të bëhet dhe do të bëhet në 2023”, tha Branimiri i ftuar në “7 pa 5” në Vizion Plus.

Duke folur për vështirësitë financiare Branimiri thotë se njeh kolegë të tij artistë që kanë bërë dhe punë të ndryshme pasi do të duhet të jetojnë, megjithatë edhe shteti austriak ka pasur një reagim të jashtëzakonshëm për artistët dhe ka disa fonde për statusin e tyre.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.