Qendra Artistike Kulturore Shqiptare “Margarita Xhepa” në Asti të Italisë, organizoi një projekt me fokus gruaja dhe roli i saj në jetën kulturore e artistike në tokën mëmë dhe Diasporë.

Eventi u zhvillua dhe të shtunën që lam pas, 20 Shkurt 2021, duke ndjekur një rrugë historike të letërsisë shqiptare për gratë në qendrën kulturore “Margarita Xhepa”.

Ky projekt, lind si një nevojë e krijimit të një hapësire të shkëmbimit të informacioneve mes të apasionuarave të artit (muzika, vallëzimi, piktura, arkitektura, arredimi, make up-it, erboristeria, luleshtaria, kulinaria, etj), si dhe botës së librit (letërsi, kulturë, edukim shoqëror).

Qëllimi kryesor është ofrimi i një mundësie për një zhvillim dhe pasurim të botës sociale dhe kulturore të gruas.

Moderatorja Vilma Gjyshja, një nga katër organizatoret e këtij projekti, shpjegoi arsyet e projektit ambicioz, një projekt që synonte të bëntë bashkë një grup femrash, në një takim aq sa miqësorë edhe ambicioz, për të diskutuar mbi rolin e grave në kulturë, art dhe shoqëri.

Më pas fjalën e mori Sabina Darova, e cila ka përforcuar qëllimin e këtij aktiviteti, duke treguar gruan si protagoniste, rolin e saj në jetën kulturore dhe artistike të mëmëdheut dhe në Diasporë. Ky projekt buron nga nevoja për të krijuar një hapësirë ​​për shkëmbimin e informacionit mbi kulturën, artin dhe shoqërinë, duke sintetizuar vetveten, edukimin dhe pasurimin shpirtëror.

Në takim janë përmendur gjithashtu emrat e parë të poeteshave shqiptare, që i përkasin viteve 1930, si Selfixhe Ciu, Luçie Sereqi, Jolanda Kodra dhe Musine Kokalari. U përmend fakti se poema e parë e shkruar nga një grua shqiptare u botua në 28 nëntor 1935, në nën-faqet e gazetës “Populli”, me titull “Valë e Rremë”, nga një vajzë nga Gjirokastra, e quajtur Selfixhe Ciu.

Për çdo takim do të ketë një temë, ku secila do të ofrojë kontributin e saj me një poezi, me një tregim, me një propozim titulli leximi, me një rrëfim apo eksperiencë jetësore. Në grup do të jenë të gjitha të barabarta pa krijuar shkallë hierarkie. Propozimet dhe vendimet do të merren së bashku.

Pjesë shoqëruese e takimeve, do të jetë dhe një bufet modest i cili do ndryshojë nga takimi në takim, në këtë takim u zgjodh caji./  Albanianews

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.