Teksa shqetësimi për variantet e reja të koronavirusit po shtohet dita ditës, e gjithë bota po përpiqet të vaksinojë me ritme të shpejta në mënyrë që të virusi të vihet nën kontroll.

Lidhur me këtë situatë që ka përfshirë botën, mjekja dhe kërkuesja shkencore në Teksas, Rubina Muzina tha se shqetësimi më i madh aktualisht nuk lidhet me vaksinën, por me riinfektimin. Siç u shpreh mjekja kohët e fundit është parë një rritje e numrit të të riinfektuarve.

Ajo po ashtu deklaroi se ekspertët po pretendojnë që në muajt gusht-shtator të jetë gati një përforcues për vaksinat.

Intervista e plotë e Muzinës:

Si paraqitet situata epidemiologjike në SHBA dhe çfarë ndikimi ka patur vaksinimi?

Në SHBA ne kemi parë për disa javë tani një rënie drestike të numrit të të infektuarve dhe vdekjeve. Në maj ne kaluam një valë sepse njerëzit udhëtuan, infeksioni ishte më i lartë. Përsa i përket vaksinës është tashmë 67 milionë vaksina. Shtrimet në spital janë ulur me 35% dhe ky është efekti i vaksinës dhe masave kundër Covid.

Cili është variant dominues në SHBA aktualisht? Ka disa raportime se variant kalifornian po krijon probleme serioze dhe ka rrezikshmëri të shtuar?

Muzina: Përsa i përket varianteve ne mund të themi që janë ato që po qarkullojnë në të gjithë botën. Unë kam punuar edhe me Ebolën në Afrikë dhe kur u krhyem në Amerikë u vu re rasti i parë në Dallas, sepse njerëzit lëvizin. Mutacionet po shihen si një ndryshim që ne do të shohim edhe tek vaksinat.

Muzina a qëndron shkencërisht konstatimi se mutacionet janë bërë më infektive dhe njëkohësisht më virulente? Për shembull është thënë se SARS i 2003 përfundoi shpejt për shkak të faktit se virusi vriste hostin…

SARS-i i 2003 mbaroi shpejt sepse ka dy faktor, transmetimi ishte shumë më i ulët. E dyta në krahasim me SARS-in e 2003, transmetimi tashmë ndodh edhe kur ke pak shenja. Domethënë ti e merr sëmundjen nga ata që nuk shfaqin asnjë shenjë. Ne i kemi sytë tek të gjitha variantet, por po ndiqet me shumë kujdes varianti anglez sepse ka ashpërsi në variantin e klinikës. Shqetësimi ynë i madh nuk është për vaksinën. Ne po pretendojmë që në gusht-shtator të kemi një përforcues të vaksinës. Shqetësimi jonë është riinfektimi. Kohët e fundit është parë një riinfektim.

Çfarë pasojash ka rënia e nivelit e oksigjenit tek pacientët e sëmurë?

Edhe unë e kam shpërndarë edhe më parë një informacion tek mjekët shqiptarë sepse po shihej ulja e oksigjenit në mënyrë të padukshme. Ka pasur pacientë me saturim oksigjeni shumë të ulët dhe ne u çuditëm që ata ishin në gjendje të komunikonin me ne edhe pse oksigjeni i tyre ishte 85%. Kur bëhet shkëmbimi i gazeve kur mushkëritë janë të dëmutuara ata nuk e çojnë oksigjenin në tru dhe mekanizmi i dëmtimit të trurit është i lidhur me infeksionin që ai shkakton në tru. Ata që e kanë më të gjatë shërimin e kanë më të rëndë dëmtimin. Ulja e oksigjenit shkakton dëmtime, por infeksioni është ai që dëmton qelizat e trurit.

Ulja e oksigjenit a është i lidhur me anën psikologjike të pacientëve?

Unë e kam parë me shqetësim këtë. Ju po kaloni një periudhë të vështirë. Ulja e oksigjenit nuk shkakton veprime suicide sepse nga miliona të infektuar do kishim parë veprime të tilla. Por një i infektuar ka komponentë psikologjikë të fuqishëm. Por ne nuk kemi asnjë të dhënë për këtë./Tvt.al/

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.