Në vitin 2020 para se raketa AtlasV të nisej për në planetin Mars më 18 shkurt 2021, NASA hapi konkurs për të gjithë banorët e botës në rast se vërtetohet se aty ka jetë.

Një ndër aplikuesit ishte dhe 17-vjeçari shqiptar Bennet Nura i cili jeton në Holandë. Bennet Nura konkurroi në mesin e 100 mijë njerëzve dhe fitoi duke u përzgjedhur të jetë ndër banorët e parë zyrtarë të këtij planeti, njëherësh shqiptari i parë, nëse në të ardhmen aty do të zbulohet se ka jetë.

Benneti tha për RTK-Radio se tashmë ai ka 2 pasaporta. Një të NASA-s dhe atë holandezen, pasi ai jeton në Holandë.

“Ideja e këtij konkursi ishte që të zgjidhen 100.000 banorë virtual të Marsit, nga 7.8 miliardë banorë që ka bota. Këta të përzgjedhur, tashmë janë edhe banorë zyrtarë të këtij planeti, ku në mesin e tyre jam edhe unë. Pra nëse planeti Mars bëhet i banueshëm, ne si të përzgjedhur jemi të parët që kemi të drejtë jete atje”, tha Nura.

Bennet Nura studion shkencat kompjuterike, njëkohësisht ndjek edhe kurse të IT-së. Ai tregon edhe mënyrën e aplikimit në NASA për t’u bërë banor potencial në planetin Mars.

“Mua më lindi ideja të vendos emrin tim së bashku me të tjerët në planetin Mars, në marshimin nga vetë faqja e internetit e NASA-s, pasi po e reklamonte në faqen e parë. Aty vetëm duhej të plotësohet një pyetësor me pyetje personale dhe të dërgohet. Më pas më erdhi konfirmimi dhe pasaporta nga NASA”, tha ai.

Kujtojmë se më datën 18.02 2021 në orën 9:55 raketa Atlas V mbërriti në Mars. Qëllimi i këtij udhëtimi ishte që të mblidhen mostra, për të parë nëse më herët aty ka pasur jetë. Sonda me gjashtë rrota, më e madhja dhe më e avancuara e NASA-s, ateroi të enjten, pas një udhëtimi shtatë mujor, prej 470 milionë kilometrash, nga Toka.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.