Komisioni Qendror i Zgjedhjeve i ka dërguar një letër sot Drejtorisë së Përgjithshme Civile nëpërmjet së cilës i kërkon informacion lidhur me numrin e votuesve të cilëve u ka skaduar afati i shfrytëzimit të kartës së identitetit dhe pasaportës.

“Lutemi të na vini në dispozicion numrin e votueseve të cilëve u ka skaduar afati i shfrytëzimit të kartës së identitetit dhe pasaportës deri ditën të cilën do ti ktheni përgjigje kësaj kërkese.  Gjithashtu nëse është e mundur të na informoni se sa mund të jetë numri i realizimit të kërkesave të zgjedhësve për rinovim të kartës së identitetit dhe/ose pasaportës deri në datën 25 Prill 2021”, thuhet në letrën dërguar DPGJC.

Kërkesa vjen në një kohë kur opozita ka kërkuar që të shtyhet procesi i rinovimit të dokumenteve biometrike deri më 30 prill.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.