Mediat gjermane i kanë dedikuar një shkrim shqiptarit Shpëtim Alaj, i cili prej vitesh drejton me sukses sipërmarrjen e tij në Eisenacher të Gjermanisë. Në shkrim tregohet rrugëtimi i Shpëtim Alaj, si dhe vlerësimi që ai ka marrë së fundmi në vendin ku jeton, duke u ndruar me cmimin “Çmimi i sipërmarrësit Eisenacher”.
Për Shpëtim Alaj, qyteti gjerman Eisenach është bërë si shtëpia e tij e dytë. Ai së bashku me bashkëshorten emigruan në vitin 1990. Duke parë situatën në Kosovë që nuk po përmirësohej vendosën të mos kthehen më.
Shpetim Alaj fillimisht punoi si zdrukthëtar, më pas nisi trajnimin si transportues mallrash dhe më pas punoi në një agjensi doganash pas diplomimit. Pasi mori nënshtetësinë gjermane në vitin 2000, ai hapi një biznes privat. Puna e madhe, pëkushtimi dhe mbështetja e familjes ndihmuan që agjencia e vogël të rritet shpejt dhe të përhapet në vende si: Eisenach, Erfurt, Nordhausen dhe Aachen.
Më pas Alaj përfundoi studimet dhe u diplomua për administrim biznesi me vlerësim maksimal.
Shqiptari Alaj kujdeset vetë për 3500 klientë në të gjithë Gjermaninë në lidhjet e tyre me doganat dhe tregtinë e jashte, nga industria e automobilave te teknologjia mjekësore. “Ne kujdesemi për zhdoganimin e plotë, deklaratat e importit dhe eksportit dhe përgatisim dokumentet dhe çertifikatat që janë të nevojshme për të përpunuar biznesin e huaj në vendet e synuara”, shpjegon Alaj.
Çfarë është e rëndësishme për të në lidhje me punonjësit e tij? “Se ata kënaqen duke bërë punën e tyre dhe se ata gjithashtu rrezatojnë ekspertizën e tyre tek klientët”, shprehet Shpëtim Alaj.
Stili i tij i menaxhimit është komunikues. Ai mbështetet në respektin për njëri-tjetrin, njohjen në marrëdhëniet me njëri-tjetrin dhe vlerëson performancën e punonjësve. “Sigurisht që më takon mua të jap detyra të qarta në mënyrë që të mos ketë irritime apo edhe mosmarrëveshje”.
Komunikimi i hapur
Ai gjithashtu drejton një klub hendbolli dhe tregon se mënyra se si menaxhon ekipin nuk ndryshon shumë nga biznesi: “Në parim, një ekip profesional duhet të menaxhohet si një kompani: zelli, disiplina, rregulli, aftësia profesionale, besnikëria dhe njohja janë parakushte për sukses.”
Por gjithashtu ai tregon mënyrat për të mbijetuar kohë krize, siç ishte edhe rasti i pandemisë: “Solidariteti është veçanërisht i rëndësishëm këtu. Ju mund të ndjeni një ndjenjë të jashtëzakonshme solidariteti kudo, dhe unë besoj fuqimisht se të gjithë do ta kalojmë mirë”, thotë Alaj. Falë përzierjes së industrive, kompania e tij deri më tani ka qenë në gjendje të kompensojë efektet e krizës së COVID.
Ish-refugjati është i vendosur në shtëpinë e tij të adoptuar si individ dhe sipërmarrës, si një “model për shoqërinë urbane” ai u nderua së fundmi me “Çmimin e sipërmarrësit Eisenacher”, çmimi i cili nuk është i parë për të.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
