Ilire Vinca aktore dhe profesore në Universitet në nëntor të vitit të shkuar është nominuar për herë të dytë në Ligën e Gruas Profesioniste të Teatrit në Nju Jork bashkë me Zana Hoxha dhe Burbuqe Berisha.

Lexo edhe: Promovojnë Kosovën/ Tre gra nominohen në New York për çmimin e rëndësishëm

Të treja arritën të hyjnë në listën e 18 vendeve, teksa këtë të shtunë do të mbajë një ligjëratë në Nju Jork me temën “Edukimi Teatror: Arritja përtej skenës”.

“Në kohën kur diplomacia ndërkombëtare është sfidë e vështirë për t’u kapërcyer, jemi krenarë për rolin që artistët luajnë si diplomatë kulturorë duke vendosur dialog krijues, arsimor, jo politik”, thotë Ilire Vinca në një prononcim për KultPlus.

Në anën tjetër, përvoja e saj e parë me këtë çmim ka qenë në vitin 2017.

“Ky është çmim që jepet çdo tre vjet, e për mua hera e parë ka qenë në vitin 2017 dhe tash për herë të dytë e rrita edhe pjesëmarrjen e Kosovës me Burbuqe Berishën dhe Zana Hoxhën”, thotë artistja e famshme.

“Prej 26 vendeve të botës, 18 të nominuara, pjesëmarrja e Kosovës pas Anglisë radhitet e dyta”, tregon Vinca. Ilire Vinca është profesoreshë në Fakultetin e Arteve në Universitetin e Prishtinës.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.