Grupi i njohur arbëresh “Shega” ka sjellë këngën e tyre të re të titulluar “Arianna”.
Kjo është kënga e parë që del nga grupi me emër të ri “Shega, të cilët më parë quheshin “The Daggs” dhe është projekti i parë i albumit të tyre, që është gati.
Më herët lideri i grupit Giorgio Fusco është shprehur se kënga është frymëzim nga mitologjia greke, dashuria e princeshës së Kretës, Ariannës me Teseon.
“Tematika është dashuria, ajo fije që të ndan nga përditshmëria e të bën të fluturosh. Flet për dy persona që takohen në një udhëtim, pastaj ndahen në tokat e veta. Deti njëkohësisht i afron e i ndan. Kënga flet për distancë, për një ëndërr që nuk u bë realitet, e malli që lind nga kjo”, ka treguar ai.
“Arianna” është në gjuhën arbëreshe, gjuhën e zemrave të tyre që qëndis mendimet dhe i bën që ta përqafojnë botën përmes saj.
Edhe artdashësit e grupit “Shega” janë admiruar kur kanë dëgjuar interpretimin e drejtpërdrejtë të kësaj kënge në koncerte.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.