Një vlerësim maksimal për artin e piktorit të mirënjohur shqiptar Gazmend Freitag është përcjellë nëpërmjet portalit austriak ”Linztermine”, i cili i ka kushtuar një shkrim ekspozitës së tij të ardhshme.

Piktori Gazmend Freitag është një mjeshtër profesional i portreteve, të cilat në imtësi shumë të vogla përputhen thuajse tërësisht me origjinalin.

Artisti shqiptar jeton dhe vepron në Austri, por asnjëherë nuk e ka harruar vendlindjen e tij. Ai ishte larguar nga Kosova në vitin 1990.

Më 1 mars 2021 artisti do të vijë me 20 kompozime të reja nga qyteti ku ai jeton, në Linz.

“Një person i shoqërueshëm dhe kozmopolit, piktori shqiptar Gazmend Freitag vlerëson vendlindjen e tij të adoptuar, qytetin e Linzit. Projekti i tij i fundit “LINZI IM” është frymëzuar nga arkitektura interesante e qytetit, mirësia e njerëzve dhe peizazhi i bukur përgjatë Danubit. Ekspozita është një deklaratë dashurie për qytetin, i cili është bërë një burim frymëzimi për artistin”, thuhet në artikull.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.