Sot u mbajt telekonferenca “Biznesi nuk njeh kufij” të organizuar nga Dhoma e Biznesit të Athinës për sipërmarrësit shqiptarë.
I pranishëm në këtë aktivitet Ministri i Shtetit për Diasporës, Pandeli Majko e cilësoi Dhomën e Biznesit të Diasporës si një mundësi reale për mbështetjen e investitorëve shqiptarë dhe grekë që të krijojnë apo zgjerojnë bizneset e tyre në Shqipëri.
“Anëtarësimi në Dhomën e Biznesit, do të ofroj gjithashtu mundësinë për të aksesuar edhe programin i cili sapo ka filluar, “Connect Albania”, i cili lehtëson angazhimin e diasporës shqiptare e cila jeton jashtë vendit në zhvillimin e vendit. Aktualisht jemi në fazën e diskutimit të një projektligji i cili mbështet dhe favorizon zhvillimin e bizneseve të reja me potencial të lartë rritjeje, në fushën e teknologjisë dhe inovacionit, të njohura si “Startup-e Inovative”. Ato do të realizojnë ide, modele, produkte dhe procese të reja biznesi”, tha ministri Majko.
Ai tha më tej se Shqipëria ka avancuar në krijimin e një ambienti lehtësues për investitorët, duke mbështetur dhe nxitur bizneset për të ritur potencialin e tyre të investimit në Shqipëri.
“Duke marrë në konsideratë rolin e migracionit shqiptar në fuqizimin e marrëdhënieve dypalëshe, midis Shqipërisë dhe Greqisë, si dhe kontributin e tyre në ekonominë shqiptare, shprehim gatishmëri për bashkëpunim të ngushtë”, vijoi ai duke u shprehur se shtetasit shqiptarë që banojnë e punojnë në Greqi gjithmonë ka shërbyer si një urë lidhëse ndërmjet dy vendeve.
“Greqia është ndër vendet me përqendrimin më të lartë të migracionit shqiptar. Zhvillimin e këtij takimi e vlerësoj si një cilësi e cila synon forcimin e mëtejshëm të marrëdhënieve ekonomike ndërmjet dy shteteve të cilat duhet të jenë “pa kufij” në fushën e biznesit dhe investimeve. Distancat midis shqiptarëve dhe grekëve nuk i rrezikon asnjë lloj virusi, ngado që të vijë. Në kemi qenë dhe do të jemi në krah të njëri tjetrit, sepse fqinji ka status të vecantë në cdo familje”, tha Majko.
Në këtë panel të pranishëm ishin edhe ministri grek për Zhvillimin dhe Investimet, Adonis Georgiadis, Ministrja e Financave dhe Ekonomisë Anila Denaj, ambasadorja shqiptare në Athinë, Luela Hajdaraga, kryetari i Dhomës së Tregtisë në Greqi, Giannis Chatzitheodosiou dhe asaj në Shqipëri Nikolin Jaka dhe të tjerë.
Ministri grek për Zhvillimin dhe Investimet, Adonis Georgiadis shprehu gatishmërinë e qeverisë greke për të forcuar marrëdhëniet ekonomike mes dy vendeve. “Dhoma e tregtisë do të luajë një rol thelbësor. Është një realitet ekonomik se duhet të forcojmë për të mirën dhe të Greqisë dhe të Shqipërisë por dhe Ballkanit e të gjithë vendeve tona fqinje”, tha ai.
Ndërsa ministrja Anila Denaj e cilësoi të rëndësishem këtë takim për të diskutuar atë se çfarë duhet të bëhet për shkëmbimet ekonomike mes dy vendeve tona në këtë kohë pandemie. “Forumi tregon energjinë që ka sipërmarrja për të vazhduar dhe për të shkuar më parë se vetë politikëbërsit në destinacion”, tha ajo. Denaj tha më tej se po punohet për të hequr barrierat dhe burokracitë që pengojnë sipërmarrjet për të rritur shkëmbimet tregtare.
Ndërsa kryetari i Dhomës së Tregtisë në Greqi, Giannis Chatzitheodosiou tha se janë rreth 4 mijë shqiptarë anëtarë të saj duke konfirmuar se ekziston njën interes suhmë i madh për investime. “Synimi im më të mirën për biznesmenët shqitar, sidomos për çështjen e emigrantëve”, tha ai duke shtuar se pandemia është sfidë e përbashkët.
Ndërsa, ambasadorja shqiptare në Athinë Luela Hajdaraga bëri të ditur se është instituar për të nisur diskutimet në fushën e sigurimeve shoqërore duke shpresuar sa më parë dakordësinë e palës greke dhe nisjen e bisedimeve për këtë marrëveshje.
“Konfirmoj faktin se sot marrëdhëniet me dy vendeve janë më të mira se kurrë si vende fqinj dhe partnerë strategjik. Shqiptarët kanë një rëndësi në ekonominë greke. Më 21 janar 2021 Balkanweb dhe Diaspora Shqiptare kanë shkruar lidhur me investime në pasuri të patundshme në Greqi, shqiptarët për herë të parë renditen të parët për vitin 2020”, përmendi znj. Hajdaraga.
Kreu i Dhomës së Tregtisë dhe Industrisë së Tiranës, Nikolin Jaka foli për marrëdhëniet e mira mes dy Dhomave dhe tha se në pritje për shkak të pandemisë është lënë një protokoll marrëveshje bashkëpunimi mes dy Dhomave.
Ai kërkoi diskutime për çështje konkrete duke përmendur këtu dhe problematikat e licencave të kompanive të transportit të udhëtarëve etj.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
