Ministri i Brendshëm Blendi Çuçi, në një komunikim online me qytetarët ditëne  sotme, iu është përgjigjur shqetësimeve për problematika të ndryshme në lidhje me regjistrimin e adresave. Çuçi bëri të ditur lajmin se tashmë nuk ka më gjobë për kalimin e afatit 30 ditor të deklarimit të ndryshimit të vendbanimit, ndërsa iu bëri thirrje qytetarëve që ta bëjnë sa më shpejt këtë procedurë tashmë që nuk kanë më penalitete.

Gjithashtu theksoi se nuk ka më sorollatje për të marrë dokumentet e reja të identifikimit pasi tashmë çdo gjë e bën Gjendja Civile. Qytetari tha ai vetëm komunikon online dhe shkon e bën shenjat e gishtave dhe foto.

Ai u kërkoi shqiptarëve jashtë vendit të aplikojnë për pasaportë dhe të saktësojnë adresat me qëllim që të kemi një regjistër kombëtar të shqiptarëve.

“Ne duam që të kemi regjistër kombëtar të shqiptarëve, edhe me rubrikën e adresave. të gjithë ata që kanë më shumë adresë, do bëhet vetë-deklarim se cilën adresë do qytetari që të ketë adresë parësore. Nëse keni më shumë se dy banesa, atëherë do të zgjidhni vetë se cilën adresë doni të jetë parësore. nN duam që çdo shtetas të ketë një adresë permanente kryesore. Vetë-deklarimi do jetë kyç në ndihmën tonë”, u shpreh Çuçi.

Lexo këtu më shumë informacion për regjistrimin e adresës.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.