“Adrinet” është programi i bashkëpunimit që përfshin Italinë, Shqipërinë dhe Malin e Zi në mbrojtjen e ekosistemit detar. Studiuesit kanë shqyrtuar praninë e mikroplastikave në zonat e peshkimit, duke përshkruar një hartë të rrjetave të shpërndara duke nisur fushatën e rikuperimit.

Iniciativa ka përfshirë universitetin e Barit, si drejtues të Projektit, Universitetin e Tiranës dhe Universitetin e Cerna Gore në Malin e Zi, bashkë me tre organe publike përkatësisht bashkinë e Castro në Itali, rajonin e Vlorës në Shqipëri dhe komunën Herceg Novi të Malit të Zi me fonde të Bashkimit Europian.

“Projekti përfshin tre fushata rikuperimi për secilin vend, dhe ne në të vërtetë bëmë disa dhe hoqëm rrjetat që mund të hiqeshin. Sepse shpesh me rrjetat e shtresuara të peshkimit në shtratin e detit krijohet një ekulibër i ri që është më mirë të mos preket e mos të shkaktojë dëme”, thotë drejtuesja e projektit, Elisabetta Bonerba.

Kjo nismë do të garantojë mbijetesën e peshkatarëve, të cilët janë gjithnjë e më të pakët dhe vështirëësitë e tyre janë shtuar me situatën e COVID-19. Të paktën në Itali sot në sajë të një ligji të quajtur “SalvaMare” peshkatarët mund të sjellin mbeturinat përsëri në tokë, gjë që nuk është bërë deri tani.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.